Txuj kev ncig nua yog tsim lug qha txug Hmong, Mong teej tug, lug Mong, hab Hmoob keebkwm. Peb yuav moog rua Yunnan, Guizhou, hab Hunan. Peb yuav pum zoo teb zoo chaw hab ntau yaam Hmoob nyob rua Tuam Tshoj, nyob qaum teb Sov Tshoj. Muaj ntau yaam Moob yog vim txuj kev tsiv, kev txa, hab tau sib ncaim ntev. Peb yuav muaj lub sij hawm nrug thaam hab ntsib Moob. Tsis taag le ntawv, peb yuav ntsib cov Zhuang, Yi, Yao, Han (suav), hab lwm yaam neeg.

Moog pis tsawg nub: 14 Nub
Moog thaum twg: ...
Pis tsawg leej: 20 txug 33 leej
Nub kawg teem npe:

Nub 1: Peb yuav ntsib koj nyob rau hauv Kunming.
Nub 2: Sawv ntxuv moog rua MoobTxwm/MoojNtxwv (MengZi), moog koom HMoojNtxwv Tsab Peb Caug. Yog koj txawj seev suab los txawj tshaam nkauj, Moob Suav Teb xaav nov koj lub suab. Npaaj koj tug kheej moog nthuav koj cov txuj ci. Peb yuav moog saib ob peb lub Moob zog nyob rua MoojNtxwv hab.
Nub 3: Peb yuav moog rua Xinhua, HePing, BaiHe, hab moog pw rua huv Pheej Nbianb (PingBian). Nyob rua cov chaw ntawv, peb yuav pum txhua yaam koj xaav txug neeg nyob Suav Teb yog nyob le caag. Saab teb chaws nuav yog nyob rov rua saab Dlej Lab.
Nub 4: Peb yuav koom Pingbian Tsab Peb Cawg hab saib nyuj sib nraus (ca saib Moob Pheej Nbianb lub caij nyoog). Peb yuav moog saib ib lub roob sab tshaaj saib Moob nyob le caag. Saab tsua ntawv hu ua Tsua Dlawb. Moog saib saib yog vim le caag txhaj hu ua "Tsua Dlawb".
Nub 5: Sawv ntxuv moog rua Mav Kuanb (Maguan), hab moog koom Maguan lub Tsab Peb Caug. Mo ntawv, peb yuav pw huv Maguan. Saab teb chaws nuav yog nyog rov rua saab Dlej Ntsuab.
Nub 6: Hnub nua peb yuav moog ncig saib teb saib chaw (TubLooj (DuLong), hab lwm qhov chaw), hab moog rua Paaj Tawg Lag. Peb yuav muaj lub sij hawm nrug Moob Paaj Tawg Lag koom noj ib tsum Mov ua ke, hab thaam txug kev ua neej nyob ruav China hab America.
Nub 7: Sawv ntxuv ib nraab nub, peb yuav ncig kab ncig khw hab saib Moob Paaj Tawg Lag. Noj su taag peb yuav moog rov rua Kunming moog caij tsheb nqaaj hlau moog rua Guiyang. Peb yuav paub txug kev caij cheb nqaaj hlau nyob rua suav teb zoo le caag.
Nub 8: Peb yuav caij bus moog rua Kaili. Ncig Kaili hab Roob Xub (Léi Shān 雷山) tej chaw. Nyob rua cov chaw nuav, koj yuav muaj caij yuav "Miao/Moob" tej zaam tsoos ntawb hab khoom plig. Peb yuav moog saib ThaivJaab (TaiJiang), ib lub zog "Miao/Moob" kws luj tshaaj hab muaj zug tshaaj ntawm cov Moob Xeem "Thaiv (Tai)". Koj yuav pum Tsaab Xyooj Mem tug mlom.
Nub 9: Nub nua peb yuav moog rua Hunnan moog saib tug qaab teb ntswg zeb (Southern Great Wall), yog nyob rua nraag qaab cov roob dlub (Wu Lin Shan). Tug ntswg zeb nuav kuj muaj lub npe hu ua Ming Wall or Mong Wall. Cov chaw nuav yog Moob tej qu chaw yaav taag lug ntev tau 500 rua 700 xyoo. Peb yuav pw ib mos huv FengHua, yog ib lub zog qub heev. Peb yuav moog ncig kab ncig khw hab.
Nub 10: Nyob rua ib lub zog Miao/Moob hu ua (Miao Zhai), peb yuav muaj caij muag/yuav Hunnan Miao/Moob tej ntaub maaj ntaub ntuag hab zaam tsoos. Noj su taag, peb yuav rov moog pu rua Guizhou.
Nub 11: Peb yuav moog saib cov Miao Lin (Moob Roob) huv Guizhou hab saib kwv tij Moob nyob zoo le caag.
Nub 12: Peb yuav moog rua saab peg saab nub poob (northwestward) moog saib Moob nyob rua saab Moob Dlub Roob. Cov roob nua yog thau hu ua Roob Maab Dlub (Wu Man), sis mas Moob lug nyob rua qhov chaw ntawv tau ntau pua lub xyoo lawm. Tom qaab nua, cov roob muab hloov hu ua Roob Moob Dlub lawm (Wu Meng Shan).
Nub 13: Peb yuav moog saib kwv tij Moob yog tau muaj lub npe hu ua "Moob Kub Ntev" (Long Horn Miao). Thaum rov lug moog, peb yuav moog saib ib tug dlej tsawg tsaag hu ua (HuangGuoShu). Tug dlej nuav yog ib tug dlej nyob huv lub dlaj teb nuav kws tuab neeg moog saib saab twg los tau.
Nub 14: Hnub no, koj yuav rov qaab lug txug Kunming.

Tug Nqe: Huv xuv tooj rua peb